Кыргызстандын күйүүчү-майлоочу май рыногунда Орусиядан келчү продукциянын көлөмү азайды. Бул тууралуу Монополияга каршы кызматтын жетекчиси Жеңалы Орозбаев билдирди.
Анын айтымында, себеп — Орусиядагы ири мунай иштетүүчү заводдордун айрымдарынын убактылуу жабылышы жана оңдоп-түзөө иштеринин жүрүшү. Натыйжада Кыргызстанга күйүүчү майдын көлөмү аз келген.
Ошентсе да, жеткирүү толугу менен токтогон жок. Кыргызстан жыл сайын Орусиядан 1,2 миллион тоннага чейин мунай продуктуларын бажы төлөмүсүз алып келет.
Монополияга каршы кызматтын маалыматына ылайык, өлкөдө азыркы учурдагы мунайзат запасы бир айга жетет.