Улуттук банк алдамчылыкка шектүү эсептерди 30 күнгө бөгөттөөнү сунуштоодо.
Башкы банктын төрагасынын орун басары Бектур Алиевдин айтымында, сунуш банктар, финансылык жана төлөм уюмдарынын өкүлдөрү менен макулдашылган.
“Бул иликтөө үчүн оптималдуу мөөнөт. 30 күндүн ичинде эсеп боюнча бардык иликтөөлөр аякташы керек”, — деди Алиев.
Мындан тышкары, бул мыйзам долбоору менен бардык банктарды, финансы уюмдарын алдамчылык операцияларды аныктоого жана алдын алууга багытталган Антифрод системасын орнотууга милдеттендирүү сунушталган.