Орусия президенти Владимир Путин тынчтык сүйлөшүүлөрү үчүн Стамбулга барбайт. Анын ордуна делегацияны тышкы иштер министри Сергей Лавров жетектейт. Ошондой эле курамда президенттин тышкы саясат боюнча жардамчысы Юрий Ушаков да болушу күтүлүүдө. Бул тууралуу The Economist басылмасы жазды.
Ошол эле учурда Украинанын президенти Владимир Зеленский, эгер сүйлөшүүлөр өтсө, Орусия тараптан түздөн-түз президент Владимир Путиндин катышуусун гана кабыл аларын билдирүүдө. Бул тууралуу Украин президентинин аппаратынын кеңешчиси Михайло Подоляк РБК-Украинага билдирген.
Сүйлөшүүлөрдүн форматы жана датасы тууралуу расмий маалыматтар азырынча так айтыла элек. Стамбул тарап мүмкүн болгон ортомчулук миссияга даяр экенин буга чейин билдирген.