Казакстандын шаарларында 9-майда Орусиянын “Өлбөс полкуна” окшош жүрүштөрдү өткөрүүгө уруксат беришкен жок.
Анын ичинде өлкөнүн эң чоң шаары болгон Алматынын акимиаты иш-чараны өткөрүүгө макулдук берүүдөн баш тартты. Ал эми орус тилдүү калктын басымдуу бөлүгү болгон Павлодар жана Петропавловск шаарларында бийлик бул иш-чараны интернетке көчүрүп, фронттогу жоокерлердин сүрөттөрүн атайын LED экрандарга жайгаштырууну сунуштады.
Мунун фонунда Алматыда демонстрация өткөрүүнү каалаган активисттер СССРдин желеги менен республиканын президенти Касым-Жомарт Токаевге кайрылуу жасашты
«Биз, жеңүүчүлөрдүн мураскорлору, Казакстанда 9-май Улуу Жеңиш күнү Алматынын көчөлөрүндө «Батырларга таазим» деп аталган «Өлбөс полк» маршы өтүшүн каалайбыз… Биз президентке жана бардык жергиликтүү бийликке кайрылып, ушул маанайдагы сезимдерди чагылдырууга мүмкүнчүлүк берүүнү суранабыз»
, — деп айтылат кайрылууда.