Мектептерде психолог менен медицина кызматкерлеринин, бала бакчаларда логопеддин штаты ачылат. Билим берүү министрлиги азыр каржы булагын издөөдө.
“Бишкектеги мектептерде психологдор бар, алар мэриянын эсебинен каржыланат. Психологдор башка региондорго керек. Мындан тышкары, мурда бардык бала бакчаларга логопеддин кереги жок эле, акыркы жылдары ар бир бала бакчага логопед зарыл болууда. Бул боюнча Финансы министрлиги менен иштеп жатабыз, каржылоо булагы аныкталса эле маселелер чечилет”, — деди билим берүү министринин орун басары Надира Жусупбекова.