“Кыргызалтын” ААКы 2025-жылы эки өнөр жай объектисин өндүрүшкө киргизүүнү пландоодо. Учурда индиялык өнөктөштөр менен биргеликте Нарында Солтон Сары кенинде алтынды бөлүп чыгаруучу фабрика курулуп жатат. Ишкана ишке киргенден кийин 400дөн ашык жаңы жумушчу орун түзүлөт.
Ошондой эле, «Кыргызалтын» ААКы Балыкчы шаарындагы автотранспорт ишканасынын филиалынын базасында транспорттук-логистикалык борбор ачууну пландаштырууда. Ал борбордо экспедициялык-транспорттук ишканалар үчүн жайлар, унааларды токтотуучу орундар, автотранспортторду оңдоочу жайлар, ошондой эле бажы, брокердик жана башка кызматтарды көрсөтүү пландаштырылууда.
Ошондой эле, өзүнүн бүткүл тарыхында «Кыргызалтын» ААК биринчи жолу кендин запастарын өз алдынча геологиялык чалгындоо иштерин жүргүзө баштады. Учурда компания Баткен районундагы «Чакуш» кенинде геологиялык чалгындоо иштерин жүргүзүүдө. Бул иштерди 2025-жылдын аягына чейин бүтүрүү пландалууда.