Билим берүү министрлиги босого баллды көтөргөнү жатат. Бул тууралуу Билим берүү министри Догдуркүл Кендирбаева Биринчи радионун эфиринде билдирди.
«Буга чейин жалпы республикалык тестирлөөнүн жыйынтыгы менен 90 балл алган абитуриенттер педагогикалык окуу жайларга тапшыра алышчу. Былтыр 120 балл болсо, быйыл бул адистиктерге босого баллды 130 кылабыз.
Мындан тышкары, сертификация системасы киргизилет. Аны калкка кызмат көрсөткөн дарыгерлер жана мугалимдер окуусун аяктагандан кийин алышат», — деди ал.