Депутат Жылдыз Садырбаева жашыруун төрөткө жол берген мыйзам долбоорун демилгеледи. Долбоор Жогорку Кеңештин сайтына коомдук талкууга жарыяланды.
«Көбүнчө аялдар бала төрөлгөндөн кийин жаңы төрөлгөн ымыркайларын өмүрүнө жана ден соолугуна коркунуч туудурган жерлерге: көчөлөргө, турак жайлардын кире бериштерине, таштанды контейнерлерине, сейил бактарга, аянтчаларга жана башка коомдук жайларга зарыл жардам жана кам көрүүгө мүмкүн болбогон жерлерге таштап кетишет.Бул жаңы төрөлгөн ымыркайлардын гипотермиядан, тамак-аштын жетишсиздигинен жана медициналык жардамдын жетишсиздигинен улам өлүмгө же катуу ооруга алып келет”, —
деп баса белгиледи Садырбаева.
Ошондуктан, депутат жашыруун төрөт институтун түзүү башка жагдайларда кооптуу шарттарда калышы же каза болушу мүмкүн болгон балдардын өмүрүн жана ден соолугун сактап калууга шарт түзөт деп эсептейт.