Жакынкы убакта америка-азербайжан стратегиялык жумушчу топ ишин баштайт. Бул тууралуу АКШнын Мамлекеттик департаментинин басма сөз кызматы билдирди.
Маалыматка караганда, демилгенин максаты — эки өлкө ортосундагы кызматташтыкты жаңы деңгээлге чыгаруу.
“АКШ–Азербайжан стратегиялык жумушчу тобунун уставы эки мамлекеттин ортосундагы өнөктөштүктүн жаңы негизин түзөт. Ал региондук байланыш, экономикалык инвестициялар жана коопсуздук жаатындагы кызматташууну кеңейтүүгө багытталган”, — деп белгиленет маалыматта.
Ошондой эле АКШ өкмөтү быйылкы жылдын аягына чейин Азербайжан жана Армения менен алгачкы жумушчу топторду түзүүнү да пландап жатканын кошумчалашты.