Кечээ, 12-мартта, “Ала-Арча” мамлекеттик жаратылыш паркында Садыр Жапаров менен Эмомали Рахмон, анын өлкөгө жасаган мамлекеттик сапарынын алкагында уюштурулган этномаданий программа менен таанышты.
Кол өнөрчүлөр аллеясында эки өлкөнүн жетекчилерин акын-импровизаторлор, баатырлар жана кыздар салтанаттуу тосуп алышты.
Андан соң мамлекеттик ансамблдердин катышуусунда концерт тартууланып, манасчылар «Манас» эпосунан үзүндү аткарышты. Программа бүркүтчүлөрдүн, жаачылардын жана тайганчылардын катышуусунда салттуу Салбуурун мергенчилиги менен аяктады.