Бүгүн, 14-март күнү “Кыргыз Туусу” гезитинин демилгесинин негизинде кыргызстандыктардын жарандык иденттүүлүгү «Кыргыз жаранын» калыптандыруунун актуалдуу маселелери боюнча кереге кеңеш башталды.
Бул талкууга Мамлекеттик катчы Сүйүнбек Касмамбетов, Маданият, маалымат жана жаштар саясаты министринин орун басары Марат Тагаев, философия илимдеринин доктору, профессор Жамгырбек Бөкөшов, педагогика илимдеринин доктору, профессор Назаркул Ишекеев, философия илимдеринин доктору, профессор Нур Саралаев, “Манас” улуттук академиясынын жооптуу катчысы Чынара Салиева, профессор Венера Акматова, эксперт Чоробек Сааданбеков, төкмө акын Садырбек Турдубек уулу жана башкалар катышууда.
Бул жолку талкуу “Кыргыз Туусу” гезитинин демилгелеген маданий-интеллектуалдык иш-чаралардын алгачкыларынын бири.
