Бишкек шаарында аба ырайын жана сырттагы абанын температурасын эске алуу менен жылытуу мезгили бүгүн 17-мартта аяктайт. Тиешелүү буйрукка калаа башчысы кол койду.
«Бишкек жылуулук электр борбору», «Бишкек жылуулук тармагы» «Бишкекжылуулукэнерго» муниципалдык ишканаларына, Бишкек шаарынын аймагында жайгашкан ведомстволук отканалардын жетекчилерине Бишкек шаарында жайларды жана имараттарды жылуулук менен камсыздоочу жылуулук-техникалык жабдууларын өчүрүү боюнча иштерди жүргүзүү, ал эми райондук администрацияларша жылытуу мезгилин аяктоо менен байланышкан иш-чаралардын жүргүзүлүшүн камсыздоо тапшырылды.