Президенттин маалымат саясат бөлүмүнүн башчысы Дайырбек Орунбеков Азаттык радиосунун жабылып калуу ыктымалдуулугу боюнча соцтармактагы баракчасына билдирүү жазып, аталган медианын журналисттерин мамлекеттик маалымат каражаттарында иштөөгө чакырды.
“Атап айтканда, кесипкөй журналисттерди мамлекеттик маалыматтык ресурстарга, мамлекеттик органдардын пресс-кызматтарына, башка медиа уюмдарга чакыруу, иш менен камсыз кылуу жана аларга жаңы мүмкүнчүлүктөрдү түзүү боюнча сунуштарыбыз даяр.
Дасыккан журналисттерди жумушсуз таштабайбыз жана алардын тажрыйбасын, билимин өлкө үчүн пайдалуу багытта колдонууга көмөктөшөбүз,”- деген Орунбеков.