Кытайдын чыгышындагы Шаньдун провинциясында бүгүн химиялык ишканада күчтүү жарылуу болгонун South China Morning Post гезити жазды.
Маалыматка ылайык, жабыркагандардын саны белгисиз, жарылуунун себептери иликтенип жатат. Кырсык болгон жерде өрт өчүрүү жана куткаруу иштери уланууда.
Жарылуу болгон Shandong Youdao Chemical заводунда 300дөн ашуун адам иштейт деп кабарланууда. Ал пестициддерди, фармацевтикалык каражаттарды жана башка химиялык заттарды өндүрөт.