Француз саясатчысы Рафаэль Глюксманн АКШ «Эркиндик статуясын» кайтарып бериши керек деп билдирди. Анын айтымында, Вашингтон мындан ары бул эстеликтин символдогон баалуулуктарын коргой албайт.
«Биз аны белекке бергенбиз, бирок сиз ага татыктуу эместей көрүнөсүз. Демек, статуя өз үйүнө кайтышы керек», — деди ал.
«Эркиндик статуясы» 1886-жылы АКШнын көз карандысыздыгынын 100 жылдыгына карата француз элинин белеги катары Нью-Йоркко орнотулган. Анын автору – француз скульптору Огюст Бартольди.
Глюксманн Украинага колдоо көрсөткөн жана Дональд Трамптын саясатын кескин сындаган саясатчы. Ал АКШнын илимий институттарына каржылоону кыскартканын да сынга алды. Франция болсо бул чечимден кийин илимпоздорду өзүнө тартууга аракет кылууда.
«АКШ тиранияны колдоп, илимдин эркиндигин чектеп жатат. Андыктан, «Эркиндик статуясын» бизге кайтарып бергиле!», – деп билдирди Глюксманн.