Салык кызматы ЭТТК тамеки, алкоголдук ичимдик, мунай продуктуларында гана калганын белгиледи. 2027-жылдын 1-январынан тарта ал дары-дармектерге да милдетүү түрдө киргизилет.
Буга чейин электрондук товардык-транспорттук коштомо кагазды (ЭТТК) милдетүү киргизүүгө ишкер, соодагерлер каршы болуп, көптөгөн митингдер менен коштолгон. Кийин Салык кызматынын жаңы жетекчиси ЭТТК терең анализ жасалбай эле киргизилгенин, көптөгөн ката кеткенин айткан.
2025-жылдын 1-октябрына чейин салык төлөөчүлөр жөнөкөйлөтүлгөн кагаз эсеп-фактураларды гана бере алышат. Андан кийин акырындык менен электрондук жана кагаз эсеп-фактураларга өтө башташат.