Кыргызстандын чеги Баткенден башталат. Бул тууралуу бүгүн Баткенге жумушчу сапары менен барган президент Садыр Жапаров билдирди.
Ал кыргыз-тажик чек арасы такталганына токтолуп, көчүүгө туура келген баткендиктерди мамлекет көңүл сыртында калтырбай турганын убадалады. Жапаров бийлик мыкты шарттары менен жаңы, заманбап үйлөрдү салып берүүнү өз мойнуна аларын айтты.
“Мындан ары кыргыз-тажик чек арасы – тынчтыктын, бейпилдиктин чек арасы, ынак коңшулук кызматташуунун чек арасы болот. Баткенде бейпил турмуш өкүм сүрүп, жалпы журтубуздун санаасы тынчыйт”, — деди президент.