Садыр Жапаров бүгүн Баткен шаарында Кыргыз мамлекеттик медициналык академиясынын жаңы окуу-дарылоо жана илимий комплексин ачты.
Клиникада 76 орундуу стационар, 96 орундуу жатакана жана 160 кишиге ылайыкташтырылган заманбап конференц-зал бар. Анын курулушуна 292 млн сом, ал эми медициналык жабдууларга 99 млн сом сарпталган.
Жапаров бүгүн онлайн-форматта республика боюнча 15 социалдык объектинин, анын ичинде 6 мектептин, 4 бала бакчанын, 2 үй-бүлөлүк дарыгерлер борборунун, 1 музыкалык мектеп менен 2 спорт залдын ачылышына катышты.