Баткен шаардык мэриясына футбол комплексин курууга Мамлекеттик турукташтыруу фондунан 1 млрд сом акча каражаты бөлүнөт. Бул тууралуу президент Садыр Жапаров бүгүн Баткен шаарындагы Кыргыз мамлекеттик медициналык академиясынын жаңы окуу-дарылоо жана илимий комплексин ачуу учурунда айтты.
Мындай чечим облустагы таланттуу жаштарды колдоого жана калк арасында сергек жашоо образын жайылтууга багытталган. Мындан тышкары, облус борборун комплекстүү өнүктүрүүнүн алкагында жакынкы жылдары жаңы шаар куруу пландалып жатканын баса белгиледи.