Белоруссиянын Барановичи шаарында клининг компаниясынын кызматкерин бирөө үйүн жыйнатканга чакырган.
Үй жыйноочу кыз бардык жумуштарды жасап бүткөн соң үй ээси эски жаздыктарды таштанды челекке таштап коюуну суранган. Кыз жаздыктарды таштаганы бара жатып алардын ортосунда акча бар экенин байкап калат. Жаздыкты ортосун ачып караган кызматкер биринде 4100 доллар, биринде 200 евро бар экенин көрөт. Иштен айдалып кетүүдөн корккон кыз үй кожейкесине жаздыктарды кайтарат. Көрсө, үй ээсинин чоң энеси жакында эле каза болуп жерге беришкен экен. Ал көп жылдар бою акчасын жаздыгына катып жүргөн.