Борбордук шайлоо комиссиясы Бишкек шаардык кеңешинин депутаты, «Эмгек» партиясынан шайланган Амантур Мусагул уулунун ыйгарым укуктарын мөөнөтүнөн мурда токтотту. Анын ордуна тизмедеги кийинки талапкер Сыргак Майрамбек уулуна мандат берилди.
Буга чейин Улуттук коопсуздук боюнча мамлекеттик комитет (УКМК) Амантур Мусагул уулун алдамчылыкка шектүү катары кармаган. Тергөө маалыматтарына ылайык, ал 2024-жылы шайлоо өнөктүгүн каржылоо үчүн WhatsApp аркылуу өзүн УКМКнын башчысы Камчыбек Ташиевдин орун басары катары көрсөтүп, партиялашынан 30 миң доллар алган деп шектелүүдө.
Ошондой эле БШК «Жаңы күч – Новая сила» партиясынан шайланган Чыңгыз Жумалиевдин мандатын мөөнөтүнөн мурда токтотуп, анын ордуна Алмазбек Улукбековго өткөрүп берди.