26-мартта Биринчи Май райондук соту райондук администрациянын “Тынч чогулуштарды өткөрүү жерлерин чектөө жөнүндө” чечимин мыйзамдуу деп тапты. Ага ылайык, 30-июнга чейин борбор калаанын борбордук бөлүгүндө митинг өткөрүүгө тыюу салынды.
Акимчилик мындай чектөөнү борбордо стратегиялык маанидеги объектилердин, анын ичинде Жогорку Кеңеш, Жогорку Сот жана борбордук аянттын жайгашуусу менен негиздеди.
1-апрелден тарта митингдерге “Ала-Тоо” аянтында уруксат берилбейт. Чогулуштар үчүн Горький аянты көрсөтүлдү, ал эми мамлекеттик жана муниципалдык иш-чаралар гана борбордо өткөрүлөт.