Борбор калаанын шаардык кеңеши «Бишкек жылуулук электр борбору» муниципалдык ишканасына республикалык бюджеттен жылдык 1 пайыз менен 1 миллиард сом берүүгө макулдук берди.
Депутат Жаныбек Абиров белгилегендей, министрлер кабинети ЖЭБди мэриянын карамагына өткөрүп жатканда 2028-жылга чейин ЖЭБди каржылоону өз мойнуна алабыз деп убада бергенин эске салды.
Белгилей кетсек, бөлүнгөн ссуда «Бишкек жылуулук электр борбору» муниципалдык ишканасына борбордун керектөөчүлөрүн жылуулук жана электр энергиясы менен туруктуу, үзгүлтүксүз камсыздоону даярдоодо жана камсыз кылууда мамлекеттик колдоо көрсөтүүгө жумшалат.