Өзбекстандын чыгышындагы Андижан облусундагы мечиттердин биринде газ-аба аралашмасы жарылды. Бул тууралуу Өзгөчө кырдаалдар министрлигинин облустук башкармалыгынын басма сөз кызматы билдирди.
Маалыматка караганда, жарылуу бүгүн, 31-мартта саат 12:19 чамасында болгон.
Окуя болгон жерге облустук ички иштер башкармалыгынын жетекчилиги жана жооптуу адамдар барышкан. Кырдаал толук көзөмөлгө алынган. Алдын ала маалыматтар боюнча, алты адам жабыркаган.