Пхукет провинциясындагы Майтон аралына жакын жерде Орусия жана Казакстандан барган туристтерди ташыган катер жарылып кетти. Катерде 31 адам болгон.
«Кесепетинен бир орусиялык күйүк алды»,- деп билдирет ТАСС Таиланддын туристтик полициясына таянуу менен.
Полиция окуя болгон маалда 30 турист сууда болгонун, бортто бирөө гана калганын, ал жаракат алганын билдирди. Ал медициналык жардам көрсөтүү үчүн ооруканага жаткырылган. Калган 30 турист мейманканаларына кайтышкан.