2026-жылдын 12-мартында Кыргыз Республикасынын Тышкы иштер министри Жээнбек Кулубаев Мальта Республикасынын Вице-премьер-министри, Тышкы иштер министри Иан Борч менен телефон аркылуу сүйлөшүү өткөрдү.
Сүйлөшүүнүн жүрүшүндө тараптар Кыргызстан менен Мальтанын ортосундагы эки тараптуу мамилелердин учурдагы абалын жана аларды мындан ары өнүктүрүү мүмкүнчүлүктөрүн талкуулашты. Ошондой эле саясий, экономикалык жана гуманитардык тармактарда кызматташууну кеңейтүү маселелерине көңүл бурулду.
Мындан тышкары, эл аралык уюмдардын алкагында жана башка көп тараптуу форматтарда өз ара аракеттенүүнү активдештирүү перспективалары боюнча пикир алмашуу болду.
Тараптар эки өлкөнүн ортосундагы конструктивдүү диалогду улантууга жана өз ара кызыкчылык туудурган багыттар боюнча кызматташууну мындан ары да чыңдоого даяр экендигин билдиришти.