Кыргыз Республикасынын жаңы Эмгек кодексине ылайык, эми эгерде иш берүүчү эмгек акыны, эмгек өргүүсүн, жумуштан бошотуу жөлөкпулун же башка төлөмдөрдү кечиктирсе, анда ал ар бир мөөнөтү өтүп кеткен календарлык күн үчүн төлөнбөгөн сумманын 0,25 пайызын кошумча төлөөгө милдеттүү.
Жаңы кодекс ошондой эле чектөө мөөнөтүн аныктайт. Демек, эгерде иш берүүчү айлык маянасын өз убагында төлөбөсө, кызматкер 3 жыл ичинде сотко кайрылып, акчасын талап кылууга укуктуу.