1-майдан тарта Жогорку Кеңештин чоң жыйындар залы оңдоо иштерине жабылат.
Бул тууралуу парламенттин басма сөз кызматы билдирди. Жалпы жыйындар шаршемби жана бейшемби күндөрү өкмөт үйүндө болот.
Буга чейин парламенттин чоң жыйындар залы реконструкцияланып, акыркы заманбап технологиялар менен жабдылып, мыйзам чыгаруу ишмердигин санариптештирүү жүрөрү белгилүү болгон.
Кошумчалай кетсек, быйыл Ак үйдүн айланасына төшөлгөн брусчаткаларды жаңылоо пландалууда. Аны жакшыртуу жана жаңы бак-дарактарды отургузуу иштери да жүргүзүлөт.