Жети-Өгүз жана Лейлек райондорунда мектепти 20 жыл мурда бүтүргөндөр классташтары менен айылдаштарын турак жайлуу кылып сүйүнтүштү.
Жети-Өгүздүн Тилекмат айылында 20 жылдык бүтүрүүчүлөр чет өлкөдө иштеп жүрүп кырсыкка кабылган классташына үй салып беришти. Маалыматка караганда, ал кырсыктан кийин бутун жоготуп, протез салдырган.
Ал эми Лейлек районунун Мурас айылында да 20 жылдыгын белгилеп жаткандар жердешин ак өргөлүү кылышты.
Бүтүрүүчүлөр бул демилгелерди шаан-шөкөт менен майрамдоонун ордуна, жакындарына колдоо көрсөтүү максатында уюштурганын белгилешкен.