Улуу Британияга болгон жумушчу сапарынын алкагында Министрлер Кабинетинин Төрагасынын биринчи орун басары Данияр Амангелдиев Улуу Британиянын Экспорттук-кредиттик агенттигинин (UKEF) Экспорттук кредиттик агенттигинин башкы аткаруучу директору Тим Рид менен жолугушту. Бул тууралуу министрлер кабинетинин басма сөз кызматы билдирди.
Жолугушууда тараптар Кыргызстан үчүн ачылган жеңилдетилген кредиттик линиянын алкагында айыл чарба жана энергиянын кайра жаралуучу булактары боюнча биргелешкен долбоорлорду ишке ашыруунун келечегин талкуулашты.
Амангелдиев Улуу Британия менен экономикалык кызматташтыкты чыңдоо приоритеттүү багыттардын бири экенин белгилеп, UKEFтин өлкөнүн туруктуу өнүгүүсүнө багытталган демилгелерди колдоого даярдыгы үчүн ыраазычылык билдирди.
Өз кезегинде британиялык агенттиктин жетекчиси ар тараптуу өз ара аракеттенүүгө жана UKEF аркылуу Кыргыз Республикасынын аймагындагы долбоорлорду каржылоого катышууга даяр экендигин ырастады.