Ош облусунун Кара-Суу районунда жайгашкан “Кара-Суу канаттуулар фабрикасына” тиешелүү болгон 10 гектар жер мамлекетке кайтарылды. Бул тууралуу УКМК билдирди.
Маалыматка ылайык, 2003-жылы Отуз-Адыр айыл өкмөтүнүн айрым кызмат адамдарынын жардамы менен аталган жер тилкеси жеке менчикке мыйзамсыз түрдө өтүп кеткени аныкталган.
Ыкчам иликтөөнүн жыйынтыгында, жогоруда аталган жер тилкеси мамлекеттик баланска кайтарылган.