Түркиянын эң ири оппозициялык партиясы өлкөнүн президенти Эрдоганды жеңүү стратегиясын жарыялады.
“Ал келе жаткан шайлоодон ушунчалык корккондуктан, шайлоо өнөктүгүнүн башкы жылдызы Стамбулдун мэри Экрем Имамоглуну алдын ала камакка алууну чечкен”-деди Өзгүр Өзел.
Республикалык элдик партиянын лидери Financial Times гезитине берген маегинде жеңүү стратегиясын мындайча белгиледи:
Биринчи кадам — Имамоглунун бошотулушу жана мөөнөтүнөн мурда шайлоо өткөрүү үчүн 30 миллион кол топтоо;
Экинчи кадам — Стамбулда ар шаршемби күнкү митингдер жана масштабдуу аймактык нааразылык акциялары;
Үчүнчү кадам — бийликке кысымды күчөтүү үчүн Имамоглу ишин коомчулуктун, өзгөчө жаштардын күн тартибине коюу.