Улуттук коопсуздук мамлекеттик комитетинин төрагасы Камчыбек Ташиев Россиянын Кыргызстандагы элчиси Сергей Вакулов менен жолугушту. Бул тууралуу күч түзүмдөрүнүн булагы кабарлаганын Sputnik жазды.
Маалыматта жолугушууда “Жалданмачылык” беренеси боюнча шектелип кармалгандар, анын ичинде “Русский дом” уюмунун Ош шаарындагы кызматкерине байланышкан маселелер талкууланганы айтылат.
Булактын билдиришинче, тергөө органдары камактагы айрым адамдардын баш коргоо чарасын үй камагына өзгөртүү мүмкүнчүлүгүн караштырган.
Эске салсак, буга чейин Россотрудничествонун Кыргызстандагы өкүлчүлүгүнүн кызматкери Наталья Секерина жана дагы үч жаран “Жалданмачылык” беренеси менен шектелип кармалганы маалым болгон.