Президент Садыр Жапаров жубайы жана кызы менен Ала-Арча жаратылыш паркында Тянь-Шань карагайын отургузууга катышты. Бул иш-чара “Туруктуу өнүгүү үчүн глобалдык тоо диалогу: Бишкек+25” эл аралык конференциясынын алкагында өттү.
Маалыматка ылайык, иш-чарада тоо-кен өндүрүшүнүн жарманкеси, салттуу музыка концерти жана улуттук көргөзмөлөр уюштурулуп, конокторго ак калпак, улуттук баш кийимдер жана белектер тартууланды.
Бак отургузуу аземи дүйнөлүк тоо диалогуна катышкан өлкөлөрдүн туруктуу өнүгүү жаатындагы биримдигин чагылдырган.
