Кыргызстандык окуучулар математика жана информатика боюнча III эл аралык Аль-Хорезми атындагы олимпиададан 2 алтын, 5 күмүш жана2 коло медаль жеңип алышты. Бул тууралуу Билим берүү жана илим министрлиги билдирди.
Олимпиада 7-13-майда Өзбекстандын Ташкент шаарында өткөрүлдү. Ага 9 өлкөдөн: Азербайжан, Беларусь, Казакстан, Кыргызстан, Малайзия, Тажикстан, Түркия, Түркмөнстан, Өзбекстандан 205 окуучу катышты. Кыргызстандын намысын 8 математик, 4 информатик окуучу коргогон.
Информатика боюнча катышкан 4 окуучунун бардыгы медалга ээ болду: 1 алтын, 2 күмүш, 1 коло медаль.
Математика боюнча 4 окуучу медаль утуп алды: 1 алтын, 3 күмүш, 1 коло медаль.