Садыр Жапаров хоккей боюнча Кыргызстандын улуттук курама команда мүчөлөрүнө акча сертификаттарын тапшырды.
20 спортчуга — 600 миң сомдон, машыктыруучуларга — 800 миң сомдон, медицина кызматкерлери менен техникалык кызматкерлерге 200 миң сомдон берилди.
Мамлекет башчы команданын Түркияда өткөн хоккей боюнча дүйнөлүк чемпионаттагы тарыхый жеңишин белгиледи.
“Биз силердин жеңишке болгон эркиңерге, биримдигиңерге, Кыргызстанга берилгендигиңерге суктанабыз», — деди Жапаров.
Кыргызстандын хоккей боюнча курама командасы Стамбулда болгон Дүйнө чемпионатында (үчүнчү дивизион)жеңишке жетип, экинчи дивизионго өттү. Кыргызстан кийинки жылы экинчи дивизиондо (В тайпасында) ойнойт.