Улуттук коопсуздук мамлекеттик комитетинин кызматкерлери Бишкек шаарынын курулуш компанияларынын жетекчилеринин жана КР Архитектура, курулуш жана турак жай-коммуналдык чарба министрлигинин өкүлдөрүнүн катышуусунда курулуш-монтаждоо иштерин жүргүзүүдө коопсуздук техникасын, санитардык жана башка ченемдердин талаптарын камсыз кылуу жана сактоо маселеси боюнча кеңешме өткөрдү.
“Акыркы 3 жылда курулуш иштеринин жүрүшүндө кырсыктардын көбөйүшү байкалууда: 2022 — жылы курулуш аянтчаларында бийиктиктен кулоо боюнча 11 факт катталса, 2023 — жылы 73, 2024 — жылы 172, 2025-жылдын 3 айында 30дан ашык факт катталган.
Мындай тенденцияда коопсуздук талаптарын сактоо өтө актуалдуу жана төмөнкү себептерден улам алардын сакталышын камсыз кылуу өтө маанилүү”
-деп айтылат билдирүүдө.