Башкы прокуратура Жумгал районунда мыйзамсыз айлык акы төлөө фактылары аныкталып, кылмыш иши козголгонун билдирди.
Маалыматта айтылгандай, аталган райондун прокуратурасы жүргүзгөн текшерүүнүн жыйынтыгында, 2024-жылы Чаек айыл өкмөтүндө иштебеген жарандарга мыйзамсыз эмгек акы төлөнгөндүгү жана айыл өкмөттүн кызматкерлерине ашыкча айлык эсептелгендиги аныкталган. Мындан улам мамлекетке келтирилген жалпы зыян 845 140 сомду түзгөн.
Аталган факт боюнча Кылмыш-жаза кодексинин 337-беренеси (кызмат абалынан кыянаттык менен пайдалануу) менен кылмыш иши козголуп, тергөө амалдары жүргүзүлүүдө.