Москванын мэри Сергей Собянин шаарды билүү боюнча аттестациядан өтпөй калган таксисттерге айып салуу боюнча мыйзамды жактырды. Тиешелүү документ борбор калаанын мэриясынын жана өкмөтүнүн расмий сайтында жайгаштырылган.
Жаңы мыйзамга ылайык, аттестациядан өтпөй калган таксист 5 миң рубль айыпка жыгылат.
Аттестацияда транспорт инфраструктурасынын, маданият, медициналык, билим берүү жана спорт объектилеринин жайгашкан жери, мамлекеттик органдардын жайгашкан жери жана аларга кирүүчү жолдор, өзгөчө кырдаалдарда аракеттер, жүргүнчүлөрдү жана багажды ташуу эрежелери боюнча билими текшерилет.
Эске сала кетсек, 2025-жылдын 1-мартынан тарта Москва шаарындагы бардык таксисттер аттестациядан өтүшү керек.