«Керемет кылым» сериалында Султан Сулеймандын ролу менен таанылган түрк актёру Халит Эргенч соттолду.
Сот Эргенчти 2013-жылы Стамбулдагы Гези сейил багына байланыштуу иш боюнча жалган көрсөтмө бергени үчүн күнөөлүү деп тапты. Наразычылык акциясына бийликтин сейил бакты кесип, анын ордуна соода жана оюн-зоок комплексин куруу чечими себеп болгон.
Айыптоо корутундусунда тергөөчүлөр Эргенчтин нааразылык акциясында жашырынып жүргөн айыпталуучулар менен байланышы болгонбу деген суроого жооп тапканы айтылат. Актёр күнөөсүн мойнуна алган эмес.
Эргенч бир жыл он жарым айга эркинен ажыратылды. Бирок мурда соттолбогондуктан жана соттук отурумда ызааттуу жүрүм-турумунан улам, өкүмдү аткаруу кийинкиге жылдырылып, актёрго өкүм боюнча даттанууга мүмкүнчүлүк түзүлдү.