Мамлекеттик катчы Марат Иманкулов 19-июнда Кусеин Карасаев атындагы Бишкек мамлекеттик университетинде “Уңгужол – заман талабы” аталышындагы китептин бет ачарына катышты.
Маалыматка ылайык, окутуучулардын тобу Кыргыз Республикасынын Президентинин 2024-жылдын 18-декабрындагы ПЖ №369 Жарлыгы менен бекитилген Кыргыз Республикасынын «Улуттук дух — дүйнөлүк бийиктик» уңгужолуна арналган «Уңгужол – заман талабы» китебин даярдашты.
Китеп уңгужолдун негизги багыттарына арналган 4 бөлүмдөн турат: Кыргызстандын тарыхы, мамлекеттик тил, тарбия маселелери (этнопедагогика), кыргыз философиясынын баалуулуктары, курчап турган чөйрөнү коргоо, кыргыз жаранынын негизги баалуулуктарын сактоо.