1-июндан тарта Ысык-Көлдө алгачкы жолу жер шарын айланып чыккан учкучтар чогулат. Бул тууралуу Учкучтар менен авиаторлордун кыргыз ассоциациялык бирикмесинин төрагасы Союзбек Салиев «Спутникке» билдирген.
Анын айтымында, иш-чарага АКШ, Улуу Британия, Аргентина, Жаңы Гвинея, Швейцария, Германия, Испания, Россия жана Австрия сыяктуу мамлекеттерден жалпысынан 45 пилот катышат. Кээ бирлери өз тик учактары менен келишет.
“Пилоттор 2 жылда бир чогулуп, маалымат алмашып турат. Алар быйыл Кыргызстанда алгачкы жолу жолугат. Жолугушчу жерге Кыргызстанды 3 жыл мурун көрсөтүп, арыз жазып, 3 өлкөнүн ичинен утуп алганбыз”, — деди Салиев.
Белгилей кетсек, Союзбек Салиев — Борбор Азия мамлекеттеринин ичинен жер шарын учуп айланып чыккан жалгыз учкуч.