1-июнь — Балдарды коргоо күнүнө карата Бишкекте майрамдык концерт жана театрлаштырылган оюн-зоок уюштурулат. Бул тууралуу Чыңгыз Айтматов атындагы Орус драма театрынын басма сөз кызматы кабарлады.
Майрамдык иш-чара театрдын алдындагы аянтта өтөт. Программада «Узун байпак Пеппи» аттуу шаңдуу жана эсте кала турган спектакль көрсөтүлөт. Пеппи менен анын достору көрүүчүлөрдү музыка, ыр-бий жана жомоктогудай окуялар дүйнөсүнө жетелешет.
Иш-чара таланттуу ырчылар жана артисттердин коштоосунда өтүп, майрамдык маанай тартууланат.
Кирүү акысыз. Башталышы — саат 11:00.