Агартуу министрлиги 2025–2026-окуу жылы үчүн өлкө боюнча 1 жана 2-класстарга кошумча кабыл алуу жүрүп жатканын билдирди.
Министрликтин маалыматына караганда, 30-май күнү саат 9:00дө бир катар жалпы билим берүү уюмдарында кошумча орундар ачык болот. Бул чечим ата-энелердин жана мыйзамдуу өкүлдөрдүн жогорку суроо-талабын канааттандыруу, ошондой эле балдардын мектепке жеткиликтүүлүгүн кеңейтүү максатында кабыл алынган.
Республика боюнча жалпысынан 142 мектепте, анын ичинде Бишкек шаарындагы 38 мектепте 1-2-класстар үчүн кошумча орундар ачылары белгиленди.
Кошумча квоталар кайсы мектептерде берилерин бул шилтеме аркылуу билсеңиз болот.