2-июнда Япониянын Хоккайдо аралынын чыгыш жээгинде күчү 6,3 баллга жеткен жер титирөө катталганын Синьхуа Япониянын метеорологиялык агенттигинин маалыматына таянуу менен жазды.
Маалыматка ылайык, жер титирөө жергиликтүү убакыт боюнча саат 03:52де болуп, Япониянын 7 баллдык сейсмикалык интенсивдүүлүк шкаласы боюнча 4 баллга жеткен.
Маалыматта жер титирөөнүн очогу 7 миңден ашуун калкы бар Хиро кыштагынан 53 чакырым түштүк-чыгышты карай, 173 миң адам жашаган Обихиро шаарынан 120 чакырым түштүк-чыгышта болгону айтылат.
EMSC`тин маалыматы боюнча, жер титирөөнүн очогу 33 чакырым тереңдикте жайгашкан.
Зилзаланын кесепети тууралуу маалымат азырынча берилген эмес.