Президент Садыр Жапаров кол койгон жарлыкка ылайык, Айгюль Калчакеева КР президентине караштуу Жусуп Абдрахманов атындагы мамлекеттик башкаруу академиясынын ректору болуп дайындалды.
Маалыматка ылайык, бул чечим Конституциянын 71-беренесине таянып кабыл алынган.
Буга чейин аталган кызматты аркалап келген Алмазбек Акматалиев өзү берген арызынын негизинде ректорлук кызматтан бошотулду. Ал бул кызматка мурдагы президент Сооронбай Жээнбековдун жарлыгы менен дайындалган болчу.