Британиянын тышкы чалгындоо кызматы, дүйнөгө MI6 деген ат менен белгилүү уюмду тарыхында биринчи жолу аял жетекчи башкарат. Өкмөттүн 15-июндагы расмий билдирүүсүнө ылайык, 47 жаштагы Блэйз Метревелини кызматтын жаңы башчысы кылып дайындоо пландалууда.
Метревели буга чейин ички коопсуздукту көзөмөлдөгөн MI5 уюмунда да бир нече жетекчилик кызматтарды аркалаган. Анын жетекчиликке көрсөтүлүшү — чалгындоо кызматындагы гендердик теңдикке карай маанилүү кадам катары бааланууда.
Учурда MI6ны жетектеп жаткан Ричард Мур быйыл күзүндө кызматтан кетиши күтүлүүдө. Метревели анын ордуна сунушталып жаткан талапкер катары көрсөтүлдү.
Блэйз Метревели чалгындоо тармагындагы ишин 1999-жылы Кембридж университетинде окуп жүргөндө баштаган. Азыркы тапта ал MI6нын технология жана инновация багытын жетектеп, уюмдун жогорку жетекчилигине кирет. Коомчулукта ал “Q” деген каймана ысым менен таанылган.