18-июндагы Жогорку Кеңешинин жыйынында Сот адилеттиги иштери боюнча кеңештин курамы каралып, бекитилди. Бул тууралуу парламенттин тиешелүү токтому кабыл алынды.
Кеңештин курамына төмөнкү талапкерлер кирди:
-
Балбак Түлөбаев — «Ынтымак» фракциясынан көрсөтүлгөн Жогорку Кеңештин депутаты;
-
Бакыт Кыдыралиева — Кыргыз Республикасынын Президенти тарабынан көрсөтүлгөн талапкер;
-
Судьялар — Мукамбет Касымалиев, Нүргүл Асанова, Дилара Арстанбаева, Айбек Молдакунов, Эльмира Барыктабасова, Санжар Чотонов, Айжан Рыскулова жана Гүлназ Кадырова — булар Судьялар кеңеши тарабынан шайланган;
-
Акыйкат Каримов — юридикалык коомчулук тарабынан көрсөтүлгөн.
Сот адилеттиги иштери боюнча кеңеш сот системасындагы кадрдык маселелерди чечүүчү, судьяларды тандоо жана баалоо иштери менен алектенген маанилүү орган болуп саналат.