18-июндагы Жогорку Кеңештин жыйынында төрага Нурланбек Тургунбек уулу токой чарбасын жана экология маселесин тейлеген өзүнчө агенттик түзүүнү сунуштады.
“Азыркы тапта токой чарбасы Өзгөчө кырдаалдар министрлигине кошулуп калган. Алар өрт өчүрөбү, көчкү тазалайбы же токойду карайбы? Кантип баарына жетишет. Андыктан, токой чарбасы менен экология маселесин бирге тейлеген өзүнчө агенттик түзүлбөсө болбойт”, – деди төрага.
Нурланбек Тургунбек уулу текшерүүчү инспекцияларды бириктирүү аракетин да колдорун кошумчалап, өзү уруксат берип, кайра өзү текшерген кызматтарды жоюп, алардын санын азайтуу менен өзүнчө бөлүү зарыл экенин белгиледи.