Бүгүн, 11-июлдан тарта Ош шаарындагы унаа базары иштеп баштады. Бул тууралуу шаардын мэриясы кабарлады.
Маалыматка ылайык, 11-13-июлда кирип чыккан унаалар үчүн төлөм алынбайт.
Унаа базар толук капиталдык оңдоп түзөөдөн өткөрүлгөн. Унаа токтотуучу жайлар толук асфальт болуп, үстү жабык кошумча тосмолор, коомдук тамактануучу жайлар, даараткана жана административдик имараттар курулган. Ошондой эле базардын айланасы атайын тосмо менен тосулуп, кире беришине автоматтык төлөм системасы орнотулган.